آخری ٹیسٹ میچ، انگلینڈ اور پاکستان کی ٹیمیں کراچی پہنچ گئیں

کراچی (اُمتنیوز) پاکستان اور انگلینڈ کی کرکٹ ٹیمیں ٹیسٹ سیریز کے تیسرے اور آخری میچ کے لئے کراچی پہنچ گئیں۔
پاکستان کرکٹ بورڈ (پی سی بی ) کے مطابق پاکستان اور انگلینڈ کے درمیان کھیلی جارہی ٹیسٹ سیریز کا تیسرا اور آخری میچ 17 دسمبر سے کراچی میں شروع ہوگا۔ دونوں ملکوں کی ٹیمیں ملتان سے کراچی پہنچ گئی ہیں۔ؒ
ٹیسٹ میچ کے دوران سکیورٹی کے انتہائی سخت انتظامات کئے گئے ہیں۔ میچ کے دوران کئی سڑکوں پر ٹریفک معطل رہے گی۔ عوام کو پریشانی سے بچانے کے لئے ٹریفک پلان بھی جاری کیا جائے گا۔

Multan 🛬 Karachi

Pakistan and England teams have arrived in Karachi ahead of the third Test.#PAKvENG | #UKSePK pic.twitter.com/0H28PZp65V

— Pakistan Cricket (@TheRealPCB) December 14, 2022

واضح رہے کہ انگلینڈ پہلے ہی پاکستان کو دو ٹسیٹ میچز میں شکست دیکر سیریز اپنے نام کرچکا ہے،قومی ٹیم اب کلین سوئپ سے بچنے کے لئے جدوجہد کرے گی۔