کیف: یوکرین ایئر ڈیفنس سسٹم نے 13 روسی ڈرونز مار گرائے

کیف(اُمت نیوز)یوکرین کی فوج کا کہنا ہے کہ انہوں نے دارالحکومت کیف میں روسی فورسز کی طرف سے 13 حملہ آور ڈرونز مار گرائے۔
غیر ملکی خبر ایجنسی کے مطابق کیف کے میئر نے کہا کہ شہر کے مرکزی علاقے میں آج علی الصبح دھماکے ہوئے۔
رپورٹ کے مطابق خبر ایجنسی کے نمائندوں نے قانون نافذ کرنے والے اداروں اور ایمرجنسی سروس ملازمین کو برف سے ڈھکی ہوئی جائے وقوعہ سے دھاتی ٹکڑے جمع کرتے ہوئے دیکھا۔
یوکرین کے صدر ولادیمیر زیلنسکی نے کہا کہ 13 ڈرون طیاروں سے حملہ کیا گیا جنہیں ہمارے ایئر ڈیفنس سسٹم نے مار گرایا۔
ان کا کہنا تھا کہ دارالحکومت کے شہریوں کو ہدایت دی کہ حکومت کی طرف سے جاری کردہ متوقع انتباہی پیغامات کے لیے چوکنا رہیں۔