نیوزی لینڈ کے کین ولیمسن ٹیسٹ ٹیم کی کپتانی سے دستبردار

 نیوزی لینڈ کے کین ولیمسن ٹیسٹ ٹیم کی کپتانی سے دستبردار ہو گئے۔ دورہ پاکستان کیلئے ٹم ساؤتھی کپتانی کے فرائض سر انجام دیں گے۔

نیوزی لینڈ کرکٹ کی طرف سے جاری بیان میں کہا گیا ہے کہ کین ولیمسن ون ڈے اور ٹی ٹوئنٹی فارمیٹ میں کیوی کرکٹ ٹیم کی قیادت جاری رکھیں گے۔

کین ولیمسن نے کہا ہے کہ کپتانی کی وجہ سے ورک لوڈ بڑھ گیا تھا اس لیے ٹیسٹ فارمیٹ کی قیادت چھوڑنے کا فیصلہ کیا۔ انہوں نے کہا کہ آئندہ دو سال دو ورلڈ کپ ہیں اس لیے وائٹ بال کی قیادت جاری رکھوں گا۔

مستقبل میں ٹام لیتھم کو ٹیسٹ سائیڈ کی قیادت ملنے کا امکان ہے۔ انہیں دورہِ پاکستان کیلئے کپتان ٹم ساؤتھی کا نائب مقرر کیا گیا ہے۔