کراچی ٹیسٹ: پاکستان کی بیٹنگ جاری، 71 رنز پر 2 کھلاڑی پویلین لوٹ گئے

کراچی: انگلینڈ کے خلاف کراچی ٹیسٹ میچ  میں پاکستان کی بیٹنگ جاری، پہلے روز 2 وکٹوں کے نقصان پر 71 رنز بنالیے، عبداللہ شفیق 8 اور شان مسعود 30 رنز بناکر پویلین لوٹ گئے۔

نیشنل اسٹیڈیم کراچی میں کھیلے جارہے میچ میں قومی ٹیم کے کپتان بابراعظم نے ٹاس جیت کر پہلے بیٹنگ کرنے کا فیصلہ کیا، انہوں نے کہا کہ کوشش ہوگی انگلینڈ کے خلاف پہلی اننگز میں بڑا ہدف رکھیں تاکہ انہیں پریشر میں لایا جاسکے۔

دوسری طرف  انگلش کپتان بین اسٹوکس نے کہا کہ ٹاس جیت کر پہلے بیٹنگ کرنا چاہتے تھے تاہم کوشش ہوگی پہلے سیشن میں جلد وکٹیں لیکر پاکستان کیلئے مشکلات کھڑی کریں۔