گورنر پنجاب نے وزیراعلیٰ کو ڈی نوٹیفائی کردیا

 

وزیراعلیٰ ڈی نوٹیفائی، پی ٹی آئی اور ق لیگ کا ہنگامی اجلاس طلب

گورنر پنجاب کی جانب سے وزیراعلیٰ پرویز الہیٰ کو ڈی نوٹیفائی کرنے کے بعد پاکستان تحریک انصاف اور ق لیگ کی قیادت نے ہنگامی اجلاس بلا لیا ہے۔
رپورٹس کے مطابق اجلاس میں پرویز الہیٰ، مونس الہیٰ اور اسپیکر پنجاب اسمبلی، راجا بشارت اور ایڈووکیٹ جنرل پنجاب بھی شریک ہیں۔
رپورٹس کے مطابق اجلاس میں گورنر پنجاب بلیغ الرحمٰن کے حالیہ اقدام پر قانونی مشاورت کی جارہی ہے۔

 

پی ٹی آئی اور ق لیگ نے عدالت جانےکا فیصلہ کر لیا

ذرائع کے مطابق پاکستان تحریک انصاف( پی ٹی آئی) اور ق لیگ نے گورنر پنجاب کے حکم کے خلاف عدلیہ سے ر

جوع کرنے کا فیصلہ کیا ہے۔
ذرائع کا کہنا ہے کہ صبح پی ٹی آئی اور ق لیگ کی جانب سے عدالت میں پٹیشن دائر کی جائے گی۔

 

نوٹی فیکیشن کی کوئی قانونی حیثیت نہیں ۔ فواد چوہدری

پاکستان تحریک انصاف کے رہنما فواد چوہدری کا کہنا ہے کہ ‘وزیراعلیٰ پنجاب چوہدری پرویز الہی کو ڈی نوٹیفائی کرنے کی کوئی قانونی حیثیت نہیں، پرویزالٰہی اور صوبائی کابینہ فرائض سر انجام دیتے رہیں گے’۔