سپریم کورٹ کا سندھ بھرمیں سرکاری زمینوں پر قبضہ ختم کرانے کا حکم

کراچی:سپریم کورٹ نے سندھ بھرمیں سرکاری زمینوں پر قبضہ ختم کرانے کا حکم دیدیا ہے، ساتھ ہی صوبے کی سرکاری زمینوں کا مکمل ریکارڈ طلب کرلی ۔

نجی ٹی وی کے مطابق سپریم کورٹ کراچی رجسٹری نے صوبے کی سرکاری زمینوں پر قبضے کا مکمل ریکارڈ طلب کرتے ہوئے کہا کہ قبضے ختم کرانے کے لیے ہر ممکن اقدام کرکے رپورٹ پیش کریں،سینئر ممبر لینڈ یوٹیلائزئشن نے عدالت سے استدعا کی کہ سرکاری زمینوں پر قبضہ چھڑانے کے لیے رینجرز کو بھی مدد کے لیے ہدایات دی جائیں، جس پر جسٹس جمال خان مندوخیل نے کہا کہ اگرآپ کی پولیس اس قابل نہیں تو محکمہ ختم کر دیں، ہر کام میں رینجرز کیوں مدد کرے گی؟۔

عدالت نے آئی جی سندھ کو حکم دیا کہ تمام ایس ایس پیز کو ڈپٹی کمشنرز کی معاونت اور فورس فراہم کرنے کی ہدایت کی جائے، ہوم سیکریٹری رینجرز کو بھی معاونت کی ہدایت جاری کریں۔

سپریم کورٹ نے سندھ حکومت کو سرکاری زمینوں پر قبضے کے خلاف آپریشن کی تفصیلی رپورٹ پیش کرنے کی ہدایت دیتے ہوئے سماعت 6 ہفتے کے لیے ملتوی کر دی۔