پی آئی اے کے فضائی بیڑےمیں مزید ایک ایئربس کا اضافہ

کراچی (اسٹاف رپورٹر) پی آئی اے کے فضائی بیڑے میں مزید ایک ایئر بس طیارہ شامل ہوگیا ۔

ترجمان کی جانب سے جاری بیان میں کہا گیا ہے کہ پی آئی اے میں نئے طیاروں کی آمد کا سلسلہ جاری ہے ۔ فضائی بیڑے میں مزید ایک ایئر بس 320 طیارے کو شامل کرلیا گیا ہے ۔

رواں سال پی آئی اے نے 4 عدد اے 320 طیارے حاصل کئے اور اس سلسلے کا چوتھا طیارہ بھی ابوظہبی سے اسلام آباد پہنچ گیا ہے ۔

ترجمان نے بتایا کہ بہتر كبین کا حامل جدید ساختہ طیارہ پی آئی اے کے بیڑے میں شامل ہوکر مسافروں کو بہتر سفر ی سہولیات فراہم کرے گا۔اس جہاز کی شمولیت سےپی آئی اے کے بیڑے میں اے 320   طیاروں کی تعداد 14 ہو گئی ہے