شاہد آفریدی پی سی بی کیساتھ کام کرینگےیا نہیں؟ نجم سیٹھی نے بتا دیا

لاہور میںپی سی بی مینجمنٹ کمیٹی کے چیئرمین نجم سیٹھی کا کہنا ہے کہ شاہد آفریدی نےپی سی بی مینجمنٹ کمیٹی کے کیساتھ کام سے انکار نہیں کیا ہے۔
میڈیا سے گفتگو میں نجم سیٹھی کاکہنا ہے کہ شاہد آفریدی کو اپنی مصروفیات کی وجہ سے وضاحت درکار تھی، اُنہیں بتایا ہے کہ ضرورت پڑنے پر اُن کے تجربے سے فائدہ اٹھایا جائے گا۔
پی سی بی مینجمنٹ کمیٹی چیئرمین کا مزید کہنا تھا کہ شاہد آفریدی سے ویڈیو لنک کے ذریعے مشاورت ہوگی، مصروفیات سے فراغت پر وہ میٹنگ میں شریک ہونگے ۔
ان کا کہنا تھا کہ پی سی بی پر توجہ دینا چاہتا ہوں، اگلے کچھ ماہ ٹی وی شوزنہیں کروں گا۔