چیف سلیکٹر سے ڈسکس کر کے فائنل الیون طے کریں گے۔بابر اعظم

کراچی:پاکستان کرکٹ ٹیم کے کپتان بابر اعظم نے کہا ہے کہ کرکٹ بورڈ میں تبدیلیوں کے اثر سے پروفیشنل کھلاڑیوں پر کوئی فرق نہیں پڑتا،  تین چار دن میں چیزیں تبدیل ہوئی ہیں، ہمارا کام گراؤنڈ میں پرفارم کرنا ہے۔

پریس کانفرنس کرتے ہوئے بابر اعظم نے کہا کہ اسکواڈ میں نئے کھلاڑیوں کی شمولیت سے متعلق مجھ سے بھی بات ہوئی تھی۔چیف سلیکٹر سے ڈسکس کر کے میچ کی فائنل الیون طے کریں گے اور سیریز کا اچھا آغاز کرنے کی کوشش کریں گے، جو ٹیم کے لیے بہتر ہو گا، وہی کریں گے، ٹیم میں اتحاد ہے، کھلاڑی ایک دوسرے کو بیک کرتے ہیں۔

انہوں نے مزید کہا کہ میدان میں حکمتِ عملی حریف کی پوزیشن دیکھ کر اپناتے ہیں، باہر سے دیکھ کر لگتا ہے کہ ایسا کر لیں ویسا کر لیں۔بابر اعظم نے یہ بھی کہا ہے کہ انگلینڈ کے خلاف جو بہتر ٹیم لگی وہ کھلائی، ٹیسٹ میچ میں ایک غلطی سب تبدیل کر دیتی ہے۔