وفاقی کابینہ کا اجلاس آج، توانائی بچت عملدرآمد پلان پیش کیا جائیگا

اسلام آباد: وفاقی کابینہ کے آج ہونے والے اجلاس میں توانائی بچت عملدرآمد پلان پیش کیا جائیگا۔وزیراعظم شہباز شریف کی زیرصدارت وفاقی کابینہ کا اجلاس آج ہو گا، جبکہ کابینہ اجلاس سے توشہ خانہ پر وزرا کی کمیٹی کی تحقیقاتی رپورٹ کا ایجنڈا ڈراپ کرکے 8 نکاتی نیا ایجنڈا جاری کر دیا گیا۔

ہارڈ شپ کیٹگری کی ایک دوا کی قیمت میں اضافے54 میں کمی کی سمری منظوری کیلیے پیش ہوگی، کابینہ ای سی سی کے 21 دسمبر کے فیصلوں کی توثیق کریگی جبکہ سیاسی صورتحال پر بھی تبادلہ خیال ہو گا۔

وفاقی کابینہ کے اجلاس میں خیبر پختونخوا میں وزیراعظم سستا آٹا پیکیج کی توثیق بھی کی جائے گی۔