بنوں: سیکیورٹی فورسز کا آپریشن، 4 دہشتگرد ہلاک

بنوں(اُمت نیوز)بنوںکے علاقے جانی خیل میں خفیہ اطلاع پر سیکیورٹی فورسز کا آپریشن، 4 دہشتگرد ہلاک ہوگئے ہیں۔
خفیہ اطلاع ملنے پرسکیورٹی فورسز نے بنوں کے علاقے جانی خیل میں آپریشن کیا، آپریشن کے نتیجے میں 4 دہشتگرد ہلاک ہوگئے ہیں
آئی ایس پی کا کہنا ہے کہ دہشتگردوں سے فائرنگ کے تبادلے میں ایک جوان شہید ہوا۔ آپریشن میں مارے گئے دہشتگردوں سے اسلحہ و گولہ بارود برآمد کرلیا گیا۔
دہشتگرد سیکیورٹی فورسز اور شہریوں پر حملے میں ملوث تھے، علاقے سے دہشت گردوں کے خاتمے کے لئے آپریشن جاری ہے۔
آئی ایس پی آر کا کہنا ہے کہ فائرنگ کے تبادلے میں شہید سپاہی محمد وسیم کا تعلق خیرپور سے تھا۔