یوگنڈا میں سال نو پر آتشبازی ، بھگدڑمچنے سے 9 ہلاک

کمپالا(اُمت نیوز) یوگنڈا کے دارالحکومت میں واقع ایک شاپنگ مال میں نئے سال کی خوشی میں آتش بازی کا مظاہرہ کیا گیاہے۔ بھگدڑ مچنے سے 9 افراد ہلاک ہوگئے ہیں
تفصیلات کے مطابق یہ واقعہ یوگنڈا کے دارالحکومت میںایک شاپنگ مال میں پیش آیا جہاں شہری سال نو کی خوشی میں آتشبازی کررہے تھے۔
غیر ملکی میڈیا رپورٹ کے مطابق پولیس کا کہنا ہے کہنئے سال کی آتش بازی کا مظاہرہ دیکھنے والے تنگ گلی میں پھنس جانے سے 10 سالہ لڑکے سمیت 9 افراد کی ہلاک ہوگئے تھے
پولیس کا کہنا ہے کہ بہت سے لوگ اس وقت پھنسے جب بڑی تعداد میں لوگ آتش بازی دیکھنے کے لیے داخل ہو رہے تھے، کئی لوگ دم گھٹنے سے بھی ہلاک ہوئےہیں۔
لوگ اس شاپنگ مال میں نئے سال کا جشن منا رہے تھے جو کمپالا کو اینٹبی بین الاقوامی ہوائی اڈے سے جوڑنے والی ایک شاہراہ پر ہے۔
پولیس ترجمان نے بتایا کہ ہنگامی سرگرمیوں کے لیے عملہ وقوعہ پر پہنچا اور زخمیوں کو اسپتال منتقل کیا، جہاں 9 افراد کی ہلاکت کی تصدیق ہو گئی۔