سوزوکی وین اور ٹریکٹر میں تصادم، 2 خواتین جاں بحق

ٹنڈو محمد خان (اُمت نیوز) تحصیل بلڑی شاہ کریم روڈ پر درگاہ جئے شاہ کے قریب سوزوکی اور ٹریکٹر میں خوف ناک تصادم کے باعث 2 خواتین جاں بحق ہو گئیں ہیں
تفصیلات کے مطابق حادثہ تحصیل بلڑی شاہ کریم روڈ پر درگاہ جئے شاہ کےقریب پیش آیاہے۔ٹیکسی میں سوار تمام افراد حیدر آبادسے منگنی کیلئے ٹنڈو محمد خان آئے تھے
اطلاعات کے مطابق حادثہ اتنا خوفناک تھا کہ دونوں خواتین موقع پر ہی جاں بحق جب کہ متعدد خواتین شدید زخمی ہوئی ہیں
جاں بحق اور شدید زخمی خواتین کو سول ہسپتال ٹنڈو محمد خان منتقل کر دیا گیا ہے۔ڈی ایس پی ٹنڈومحمد خان مجاہد شاہ کا کہنا ہے کہ ٹیکسی میں سوار تمام افراد حیدر آبادسے منگنی کیلئے ٹنڈو محمد خان آئے تھے
۔ ٹیکسی میں موجود تمام افراد کا تعلق ایک ہی خاندان سے ہے۔