دوسرا ٹیسٹ،نیوزی لینڈ کے 6وکٹ پر309 رنز

کراچی: دوسرے ٹیسٹ کی پہلی اننگز میں نیوزی لینڈ نے پاکستان کے خلاف 6 وکٹوں کے نقصان پر 309رنز بنا لیے۔

اوپنر ڈیون کانوے نے سنچری مکمل کی،چائے کے وقفے کے بعد ڈیون کانوے 122 رنز کی اننگز کھیل کر سلمان آغا کی گیند پر وکٹ کیپر سرفراز احمد کو کیچ تھما بیٹھے۔

کین ولیمسن 36 رنز بنا کر نسیم شاہ کی گیند پر وکٹ کے پیچھے کیچ آؤٹ ہوئے جبکہ ڈیرل مچل 3 رنز بنا کر سلمان آغا کی گیند پر بولڈ ہوگئے۔

ہینری نکولس 26 رنز اور اور مائیکل بریسویل صفر پر پویلین لوٹ گئے۔ پہلے روز کھیل کے اختتام پر ٹام بلنڈل 30 اور اش سودھی 11 رنز پر وکٹ پر موجود ہیں۔

اس سے قبل کھانے کے وقفے کے بعد ٹام لیتھم 71 رنز بنا کر نسیم شاہ کی گیند پرایل بی ڈبلیو آؤٹ ہوگئے۔ سلمان آغا نے 3اور نسیم شاہ نے 2کھلاڑیوں کو آئوٹ کیا۔ایک وکٹ ابرار احمد کو ملی۔

کھانے کے وقفے سے قبل پاکستان نے اپنے تمام پانچ بولرز کا آزمایا تاہم کوئی بھی بولر وکٹ حاصل کرنے میں کامیاب نہ ہوسکا۔

نیوزی لینڈ نے ٹاس جیت کر بیٹنگ کا فیصلہ کیا تھا۔ قومی ٹیم نے محمد وسیم اور اسپنر نعمان علی کی جگہ فاسٹ بولر حسن علی اور نسیم شاہ کو شامل کیا جبکہ مہمان ٹیم نے فاسٹ بولر نیل واگنر کی جگہ میٹ ہینری کو ٹیم کا حصہ بنایا۔