پشاور زلمی نے نئی کٹ لانچ کردی

پشاور:پاکستان سپر لیگ (پی ایس ایل) 8 کے لیے پشاور زلمی نے نئی کٹ لانچ کردی ۔

پشاور زلمی نے کٹ لانچ کرنے کی ویڈیو سوشل میڈیا پر جاری کی ہے جس میں کپتان بابراعظم موجود ہیں۔

ویڈیو میں دیکھا جا سکتا ہے کہ کپتان بابراعظم پشاور زلمی کی نئی کٹ میں بہت خوبرو لگ رہے ہیں۔

پشاور زلمی کے چیئرمین جاوید آفریدی کا کہنا ہے کہ پشاور زلمی کی ٹریننگ کٹ کو ایک بار پر پھر ہوم سٹی پشاور سے منسوب کیا گیا ہے۔

انہوں نے بتایا کہ ٹریننگ کٹ میں شامل ڈیزائن کو پھولوں کے شہر پشاور سے تشبیہ دی گئی ہے، ٹریننگ کٹ پر پاکستان کی قومی جانور اور زلمی ماسکوٹ مارخور کو بھی نمایاں کیا گیا ہے۔