اپنے نام کو بدنام کرنے کی اجازت نہیں دونگی، مہوش حیات

لندن: وی لاگر عادل راجہ کے پاکستانی اداکارؤں پر سنگین نوعیت کے الزامات پر کبریٰ خان اور سجل علی کے بعد مہوش حیات کا سخت ردعمل سامنے آگیا ۔

مہوش حیات نے ویلاگر عادل راجا کو آڑے ہاتھوں لیتے ہوئے اپنے ٹوئٹ میں لکھا کہ لوگ سستی شہرت حاصل کرنے کیلئے کچھ بھی کرتے ہیں یہاں تک کہ انسانیت کے درجے سے بھی گر جاتے ہیں۔

مہوش حیات نے سخت ردِعمل دیتے ہوئے لکھا کہ مجھے امید ہے کہ آپ کو دو منٹ کی شہرت تو مل چکی ہوگی، میں اداکارہ ہوں، اس کا مطلب یہ نہیں میرا نام مٹی میں ملا دیں، آپ کو اپنے بے بنیاد الزامات پر شرم آنی چاہیے۔

اداکارہ نے کہا کہ شرم کریں کہ بے بنیاد الزامات لگا کر چھوٹی خبریں پھیلاتے ہیں۔ مجھے ان لوگوں پر بھی شرم آرہی ہے کہ جو ان چھوٹی خبروں پر یقین کر رہے ہیں۔ یہ ہمارے معاشرے کے گرتے ہوئے معیار کو ظاہر کر رہا ہے ۔