نیوزی لینڈ کیخلاف ون ڈے سیریز کیلیے قومی اسکواڈ کا اعلان

کراچی:نیوزی لینڈ کے خلاف ون ڈے سیریز کیلیے 16 رکنی قومی اسکواڈ کا اعلان کردیا گیا۔

چیف سلیکٹر شاہد خان آفریدی نے قومی اسکواڈ کا اعلان کرتے ہوئے کہا کہ نیوزی لینڈ کے خلاف ون ڈے سیریز میں بابر اعظم کپتان ہوں گے۔

ٹیم میں حارث رئوف، حارث سہیل، کامران غلام  شامل کیے گئے ہیں، جبکہ فخر زمان، امام الحق بھی ٹیم کا حصہ ہوں گے۔

محمد نواز، محمد رضوان، وسیم جونیئر، نسیم شاہ، سلمان علی آغا، طیب طاہر، اسامہ میر بھی ٹیم میں شامل ہیں، اور شاہنواز دھانی ،محمد حسنین اورشان مسعود کو بھی قومی اسکواڈ میں شامل کرلیا گیا ہے۔

پریس کانفرنس میں بات کرتے ہوئے شاہد آفریدی نے کہا کہ ڈومیسٹک کرکٹ کی پرفارمنس اہمیت رکھتی ہے۔ ایک پیج کا مطلب ہر فیصلہ میں ایک ہونا ضروری نہیں، ہماری الگ الگ ذمے داریاں ہیں، وہ الگ الگ لے کر چلیں گے.