باغ آزاد کشمیر میں مسافر بس کو حادثہ ،6 افراد جاں بحق

باغ (اُمت نیوز) آزاد کشمیر کے علاقے باغ میں مسافروں سے بھری بس گہری کھائی میں گرنے سے 6 افراد زندگی کی بازی ہار گئے
تفصیلات کے مطابق حادثہ رحیم کوٹ کے مقام پر پیش آیا،بس راولپنڈی سے کھاوڑہ میراں کلاں کے مقام کی طرف جاتے ہوئے گہری کھائی میں گر گئی تھی۔
یہ حادثہ صبح 5 بجے پیش آیاہے۔حادثہ سڑک پر پھسلن کی وجہ وجہ سے پیش آیاہے۔ حادثے میں 6افراد جاں بحق ہوئے ہیں اور متعدا فراد کے زخمی ہونے کی اطلاعات ہیں۔
مقامی افراد نے اپنی مدد آپ کے تحت زخمیوں کو بس سے باہر نکالا، حادثےکے زخمیوں کو طبی امداد دینےکیلئے دہیرکوٹ اور مظفرآباد اسپتال منتقل کر دیا گیا ہے۔