پیپلز بس سروس کے لیے 43 نئی بسیں خریدنے کا فیصلہ

کراچی: وزیراعلیٰ سندھ مراد علی شاہ کی زیر صدارت ہونے والے سندھ کابینہ کے اجلاس میں 1.7 ارب روپے سے نئی بسوں کی خریداری کی منظوری دیدی گئی۔

تفصیلات کے مطابق وزیراعلیٰ سندھ مراد علی شاہ کی زیر صدارت سندھ کابینہ کا اجلاس منعقد ہوا، اجلاس میں کابینہ نے 1.7 ارب روپے سے بسوں کی خریداری کی منظوری دے دی۔

صوبائی وزیر ثقافت سردار شاہ نے سیاحت کے لیے بسیں چلانے کی بھی درخواست کی جس پر وزیر اعلیٰ نے انہیں اپنی تجویز لکھ کر پیش کرنے کی ہدایت کی۔

سردار شاہ کا کہنا تھا کہ مجوزہ بسیں کینجھر جھیل اور دیگر سیاحتی مقامات کے لیے چلائی جائیں گی۔