کراچی:کوچنگ سینٹر میں فائرنگ سے نوجوان جاں بحق

کراچی(امت نیوز)کراچی کے علاقے گلشن اقبال کے کوچنگ سینٹر میں طالب علموں کا معمولی جھگڑا قتل کی واردات میں بدل گیا ۔نویں جماعت کے طالب علم کو گولی مار کر قتل کردیا گیا۔فائرنگ سے ایک طالب علم زخمی ہوا
واقعہ گلشن اقبال تیرہ ڈی میں پیش آیا ، پولیس کے مطابق کہ گزشتہ روز کوچنگ میں کچھ طلبہ کا جھگڑا ہوا تھا جس پرکوچنگ سینٹر کی انتظامیہ نے صلح کرادی تھی
آج ملزم اپنے ہمراہ لڑکوں کو لایا اورکلاشنکوف سے فائرنگ کی، جس سے آٹھویں اور نویں جماعت کے دو طالب علم زخمی ہوئے ،انہیں فوری طور پر اسپتال منتقل کیا گیا جہاں ایک طالب علم نے دم توڑ دیا۔
پولیس کا کہناہے کہ ملزم کوچنگ سینٹر میں کلاشنکوف ایک تھیلے میں چھپا کر لایا تھا۔ فائرنگ کے بعد وہ فرار ہوگیا۔ملزم کی شناخت لقمان کے نام سے ہوئی ہے ۔پولیس نےملزمان کی جلد گرفتاری کا دعویٰ کیا ہے ۔