ثانیہ مرزا کا انٹرنیشنل ٹینس سے ریٹائرمنٹ کا اعلان

لاہور(اُمت نیوز) پاکستانی کرکٹر شعیب ملک کی اہلیہ اوربھارتی ٹینس اسٹار   ثانیہ مرزا نے انٹر نیشنل ٹینس سے ریٹائر منٹ کا اعلان کر دیا ہے
ثانیہ مرزا کا کہنا ہے کہ  آئندہ ماہ دبئی میں ٹینس چیمپئن شپ ہونے جا رہی ہے اس چیمپئن شپ کے بعد میںریٹائر ہو جائوں گی۔
انہوں نے کہا کہ میں WTA فائنلز کے بعد ریٹائرمنٹ لینا چاہتی تھی، انجری کے باعث ہم ڈبلیو ٹی اے کے فائنلز میں نہیں پہنچ سکے تھے۔
انہوں نے مزید کہا کہ میں نےانجری سے بچائو کیلئے ٹریننگ جاری رکھی ، میں نہیں چاہتی تھی کہ انجری کی وجہ سے میرا کیرئیر ختم ہو۔
موجودہ پلان کے بارے میں ٹینس اسٹار کا کہنا تھا کہ  کہ میں ڈبلیو ٹی اے 1000 کھیلنے کی کوشش کروں اوراس کےبعد ٹینس ریکٹ لٹکا دوں گی۔