معروف عالم دین مولانا احترام الحق تھانوی انتقال کرگئے

کراچی: معروف عالم دین مولانا احترام الحق تھانوی امریکا میں انتقال کر گئے۔ مولانا احترام الحق تھانوی کے صاحبزادے محتشم الحق تھانوی نے انتقال کی تصدیق کرتے ہوئے بتایا کہ والد صاحب گزشتہ 6 ماہ سے کینسر میں مبتلا تھے اور امریکہ کے شہر اٹلانٹا میں زیر علاج تھے۔

محتشم الحق تھانوی کے مطابق مولانا احترام الحق تھانوی حضرت مولانا احتشام الحق تھانوی کے سب سے بڑے صاحبزادے اور جامعہ احتشامیہ کے بانی تھے۔

اہلخانہ کا کہنا ہے کہ مولانا احترام الحق تھانوی کی نماز جنازہ امریکا میں ہی ادا کی جائے گی۔ نماز جنازہ بعد نماز عصر جارجیا اسلامک انسٹیٹیوٹ امریکا میں ادا کی جائے گی۔