سوات میں کمرےمیں گیس بھرنےسے میاں بیوی جاں بحق

سوات(بیورورپورٹ )سوات کے علاقے مانیار میں کمرے میں گیس بھرجانے سے میاں بیوی  جاں بحق ہوگئے۔

ایس ایچ اوتھانہ رحیم آبادحیات خان کے مطابق مانیار کے محلہ ڈھیرئی میں تینتالیس سالہ محمدانور اور اس کی اہلیہ اڑتیس سالہ مسماۃ(ر)اپنے گھر کے کمرے سوئے ہوئے تھے ۔ سردی سے بچنے کے لیے انہوں نےگیس  کا  چولہا جلتا ہوا چھوڑ دیا تھا۔ جس کی وجہ سے کمرے میں گیس بھرگئی اور  دونوں میاں بیوی دم گھٹنے سے چل بسے۔

میتوں کو اسپتال منتقل کردیا گیا ،جہاں ڈاکٹروں کی تصدیق کے بعد لاشیں لواحقین کے حوالے کردی گئیں ۔