آزاد کشمیر اورگرد و نواح میں 3.8شدت کا زلزلہ

میرپور: آزادکشمیر اور گردونواح میں زلزلے کے جھٹکے محسوس کیے گئے، جس کے باعث لوگوں میں خوف و ہراس پھیل گیا۔ زلزلہ پیما مرکز کے مطابق ریکٹراسکیل پرزلزلے کی شدت 3.8 ریکارڈ کی گئی، جس کا مرکز میرپور کا علاقہ جبکہ زلزلے کی گہرائی 10 کلو میٹر ریکارڈ کی گئی۔

زلزلہ پیما مرکز کے مطابق ضلع میرپور کے نواحی علاقوں کھڑی، جاتلاں اور خالق آباد میں بھی زلزلے کے جھٹکے محسوس کیے گئے جس کے باعث لوگ خوفزدہ ہو کر اپنے گھروں سے باہرنکل آئے تاہم کسی جانی نقصان کی اطلاع موصول نہیں ہوئی۔