نجم سیٹھی نے بابر اعظم کو ٹیم سلیکشن کے اختیارات دے دیئے

لاہور (امت  نیوز) چئیرمین پی سی بی مینجمنٹ کمیٹی نجم سیٹھی نےقومی ٹیم کے کپتان بابر اعظم کو ٹیم سلیکشن کےاختیارات دے دیئے ۔ کہا کہ بابر اعظم جسے چاہیں ٹیم میں شامل کرسکتے ہیں اور جسے چاہیں ٹیم سے باہر کرسکتے ہیں

نجم سیٹھی نے کپتان بابر اعظم کو پیغام بھجوایا ہے جس میں کہا گیا ہے کہ آپ جس کھلاڑی کو چاہتے ہیں پلئینگ الیون میں شامل کریں آپکو مکمل اختیار ہے، جس کھلاڑی کو سمجھتے ہیں کہ وہ پلئینگ الیون میں شامل نہیں ہوسکتا اسے ڈراپ کرنے کا اختیار بھی آپ کے پاس ہے۔

نجم سیٹھی نے پیغام میں کہا کہ آپ جو فیصلہ کریں گے ہم سب اس کو من و عن قبول کریں گے ، آپ کے فیصلوں میں کوئی بھی عمل دخل نہیں کرے گا۔

چئیرمین مینجمنٹ کمیٹی پی سی بی نے بابر اعظم کی تعریف کرتے ہوئے کہا کہ آپ دنیا کے بہترین کھلاڑی ہیں ہماری خوش قسمتی ہے آپ ہمارے کپتان ہیں۔

گزشتہ دنوں بابر اعظم نے اسکواڈ اور شان مسعود کو نائب کپتان بنانے سے متعلق لاعلمی اور ناراضگی کاا اظہار کیا تھا