میرپورخاص میں چچا پر بھتیجی سے زیادتی کامقدمہ درج

میرپورخاص (بیورورپورٹ)سگے چاچا پر 8سالہ بھتیجی سے مبینہ زیادتی کرنے کا الزام،چور دو موٹر سائیکلیں لے اڑے۔تفصیلات کے مطابق غریب آباد تھانے کی حدود گوٹھ عدد پہنور کے رہاشی نوید پہنور نے وومن تھانے میں مقدمہ درج کرایا ہے، جس میں انہوں نے اپنے سگے چاچا معشوق پہنور پر الزام عائد کیا ہے کہ ملزم میری چھوٹی بہن(م) کو چیز دلانے کے بہانے اپنے گھر لےگیا، جہاں انہوں نے اس کے ساتھ زیادتی کی ہے۔

انہوں نے مزید کہا کہ دوسرے چاچا اصغر موجود تھے، تاہم انہوں نے انصاف کرنے کے بجائے خاموش رہے اور ہمیں بھی خاموش رہنے کے لیے دھمکی دی گئی ہے، پولیس نے ملزم کے بڑے بھائی اصغر پہنور کو گرفتار کرلیا جبکہ اصل ملزم تاحال فرار ہے۔

دوسری جانب ٹاؤن تھانے میر پور خاص کے رہاشی شاہد کی موٹر سائیکل گھر کے باہر سے جبکہ غریب آباد تھانے میں واقع بھٹائی میڈیکل سینٹر کے باہر سے رمیش کمار نامی شخص کی موٹر سائیکل چوری کرلی گئی۔