عمران خان حملہ کیس،ملزم نوید کے بھائی اور بھانجے کو پیش کرنیکا حکم

لاہور ہائیکورٹ نے عمران خان حملہ کیس کے ملزم نوید کے زیرحراست بھائی اور بھانجے کو16 جنوری کو پیش کرنے کا حکم دے دیا۔

لاہور ہائیکورٹ میں جسٹس عالیہ نیلم نے عمران خان پر حملہ کیس میں گرفتار ملزم نوید کے بھائی اور بھانجے کو غیر قانونی حراست میں رکھنے کے خلاف کیس کی سماعت کی،درخواست گزار کی جانب سے میاں داؤد ایڈووکیٹ پیش ہوئے

درخواست گزارملزم نوید کی اہلیہ کے وکیل نے مؤقف اختیار کیا کہ پولیس نے ملزم نوید کے بھائی اور بھانجے کو غیر قانونی حراست میں رکھا ہوا ہے ، پولیس نے تاحال دونوں افراد کی گرفتاری نہیں ڈالی۔