کراچی: کورنگی میں 2 دکانیں،متعدد افراد لٹ گئے

کراچی(اسٹاف رپورٹر)ضلع کورنگی ڈاکوؤں کے لئے آسان ہدف بن گیا۔دو موٹرسائیکل سوار 3 ملزمان نے دن دیہاڑے بازار میں 2 دکانوں اور مختلف افراد سے لوٹ مار کی اور باآسانی فرار ہوگئے۔

تفصیلات کے مطابق کورنگی ڈیڑھ نمبر،سیکٹر 32-A لیبر کالونی کے بازار میں نامعلوم مسلح ملزمان نے بغیر کسی خوف سے دن دیہاڑے لوٹ مار کے واردات کی اور فرار ہوگیا۔واقعے کی سی سی ٹی وی فوٹیج بھی سامنے آگئی جس میں دیکھا گیا کہ دو موٹرسائیکلوں پر سوار 3 مسلح ملزمان نے واردات کی۔ ملزمان نے آتے ہی دکان میں لوٹ مار شروع کردی۔

ملزمان نے ساتھ میں کھڑی لوڈنگ گاڑی کے ڈرئیوار اور سیلزمین کی بھی تلاشی لی،جب کہ سامنے کی دکان میں بھی لوٹ مار کی۔فوٹیج میں دیکھا جاسکتا ہے کہ ملزمان نے جاتے ہوئے موبائل فون سے ویڈیو بنانے کے شبے میں موٹرسائیکل سوار سیلزمین سے بھی موبائل فون چھین لیا۔