ق لیگ نے مونس الہٰی،حسین الہٰی،کامل علی آغاکو بھی شوکازنوٹسزتھما دیئے

لاہور(امت نیوز)پاکستان مسلم لیگ (ق) نے مونس الہٰی، حسین الہٰی اور کامل علی آغا کو بھی شوکاز نوٹسز تھما دیئے

سیکریٹری جنرل طارق بشیر چیمہ کی طرف سے جاری کیے گئے نوٹسز کے متن میں کہا گیا ہےکہ  مونس الہٰی، حسین الہٰی اور کامل علی آغا کسی جماعت میں شمولیت اختیار کر رہے ہیں۔

تینوں رہنماؤں کو کہا گیا ہے کہ یہ نشستیں اور عہدے آپ کے پاس مسلم لیگ (ق) کی امانت ہیں، پارٹی تبدیلی کا اقدام غیر آئینی ہوگا۔

نوٹس کے متن میں واضح کیا گیا ہےکہ  آپ کسی اور جماعت میں شامل ہونا چاہتے ہیں تو اسمبلی اور سینیٹ سے مستعفی ہوں، مستعفی نہیں ہوں گے تو ڈی سیٹ کروانے کے لیے الیکشن کمیشن سے رابطہ کیا جائے گا۔

مسلم لیگ (ق) کی اعلیٰ قیادت نے مونس الہٰی، حسین الہٰی اور کامل علی آغا  کو پوزیشن واضح کرنے کے لیے 7 روز کا وقت دیا ہے۔