کورنگی،نیوکراچی اورشرافی گوٹھ سے 3 لاشیں برآمد

کراچی(اسٹاف رپورٹر)شہر کے مختلف علاقوں سے نوجوان سمیت تین افرادکی لاشیں برآمد۔تفصیلات کے مطابق ابراہیم حیدری کے علاقے کورنگی  میں سمند ر کے قریب لاش کی اطلاع پر پولیس اور ریسکیوٹیم موقع پر پہنچ گئی اور 22سالہ نوجوان کی لاش کو اپنی تحویل میں لیکر پوسٹ مارٹم کیلئے جناح اسپتال پہنچایا ،پولیس کے مطابق متوفی کی فوری شنا خت نہیں ہوسکی جبکہ متوفی نشے کاعادی معلوم ہوتا ہے،پولیس کے مطابق متوفی کے جسم پر چوٹ کے نشانات ہیں تاہم میڈیکو لیگل افسر نے پوسٹ مارٹم رپورٹ کو محفوظ کرلیا ہے،پولیس نے قانونی کارروائی کے بعد لاش کو سردخانے منتقل کردیا ہے۔گبول ٹاؤن کے علاقے نیوکراچی گودھراں چوک کے قریب لاش کی اطلاع پر پولیس اور ریسکیوٹیم موقع پر پہنچ گئی اور50سالہ شخص کی لاش کوپوسٹ مارٹم کیلئے عباسی اسپتال پہنچایا ،پولیس کے مطابق متوفی طبعی موت فوت ہوا ہے،پولیس نے ضروری کارروائی کے بعد لاش کو سردخانے منتقل کردیا ہے۔شرافی گوٹھ کے علاقے باغ کورنگی سیکٹرڈی میں لاش کی اطلاع پر پولیس اور ریسکیوٹیم موقع پر پہنچ گئی اور 40سالہ شخص کی لاش کو پوسٹ مارٹم کیلئے جناح اسپتال پہنچایا ،جہاں متوفی کی شناخت ابراہیم کے نام سے کی گئی ،پولیس کے مطابق ابتدائی تفتیش میں موت طبعی معلوم ہوتی ہے تاہم ڈاکٹروں نے وجہ موت جاننے کیلئے پوسٹ مارٹم رپورٹ کو محفوظ کرلیا ہے۔