ایرانی حدود سے دہشتگردوں کا حملہ،پاک فوج کے 4 جوان شہید

کوئٹہ: بلوچستان کے ضلع پنجگور میں دہشت گردوں نے ایران کی حدود سے حملہ کرکے 4 سکیورٹی اہلکاروں کو شہید کر دیا۔

پاک فوج کے شعبہ تعلقات عامہ (آئی ایس پی آر) کی جانب سے جاری بیان میں کہا گیا ہے کہ واقعہ پاک ایران بارڈر کے چکاب سیکٹر پر میں پیش آیا جہاں دہشت گردوں نے ایرانی سر زمین سے سیکیورٹی فورسز کو نشانہ بنایا۔

آئی ایس پی آر کے مطابق سکیورٹی فورسز کے قافلے کو بارڈر پر گشت کے دوران نشانہ بنایا گیا، حملے میں پاک فوج کے 4 جوان شہید ہوئے، ایران سے حملے میں ملوث دہشت گردوں کے خلاف فوری کارروائی کا مطالبہ کیا گیا ہے۔