نوازشریف کی وطن واپسی کی ایک اور تاریخ آگئی

لاہور(امت نیوز)مسلم لیگ ن کے قائد نوازشریف کی وطن واپسی کی ایک اور تاریخ سامنے آگئی ہے۔گورنر پنجاب بلیغ الرحمان کا کہنا ہے کہ مسلم لیگ ن کی  سینئر نائب صدر مریم نواز ایک ہفتے اور قائد ن لیگ نواز شریف ایک ماہ میں  وطن واپس آ رہے ہیں۔

لاہور میں سینئر صحافیوں سے ملاقات کے دوران بلیغ الرحمان نے کہا کہ نواز شریف ایک مہینے میں پاکستان آ رہے ہیں، ان کا استقبال کرنے خود ایئر پوٹ جاؤں گا۔

انہوں نے کہا کہ پرویز الہیٰ نے مجھ سے ملاقات میں کہا تھا وہ اسمبلی نہیں توڑنا چاہتے اور اسمبلی نہ توڑنے پر عمران خان کو قائل کرلیں گے۔

گورنر پنجاب کا کہنا تھا کہ نگراں وزیر اعلیٰ پر اتفاق کے لئے کوشش کی مگر کامیاب نہ ہوسکا، اس معاملے پر پرویز الہیٰ اور ملک احمد خان سے بات کی تاہم دونوں نے ایک دوسرے کے نام مسترد کر دیئے