پاکستان کو شکست سے بچانے والی ماریہ خان کے سوشل میڈیا پرچرچے

کراچی (اُمت نیوز) پاکستان کو شکست سے بچانے والی ماریہ خان کے سوشل میڈیا پر چرچے، فٹبال کے بڑے بڑے نام پاکستانی فٹبالر خاتون کی تعریف کیے بنا نہ رہ سکے
چار ملکی ویمنز فٹ بال ٹورنامنٹ میں قومی ٹیم کی کپتان نے ایک گول کرکے عالمی شہرت حاصل کرلی،اس گول کی بناپر پاکستان یقینی شکست سے بچ گیا تھا
گول کی ویڈیو سوشل میڈیا پر وائر ل ہوگئی ہے۔ فٹبال کے بڑ ے بڑےکھلاڑی بھی پاکستانی فٹ بالرکی تعریف کیے بغیر نہ رہ سکے ۔پاکستانی شائقین نے بھی ماریہ خان کو خوب سراہا
ویڈیو میں دیکھا جاسکتا ہے کہ ماریہ خان نے سائیڈ لائن سے ایسی فری کک لگائی کہ فٹبال فضا میں گھومتے ہوئے پول میں جا گری۔ کک اتنی طاقتور، تیز رفتار اور تیر بہ ہدف تھی کہ مخالف ٹیم کی گول کیپر گیند چھونے کے باوجود اسے روکنے میں ناکام رہیں۔

World's greatest sporting family and its legacy lives on!

Hashim Khan would be so proud. 🇵🇰🇵🇰🇵🇰pic.twitter.com/xith8VJybN

— FootballPakistan.com (@FootballPak) January 19, 2023

ماریہ خان سکواش کھلاڑی ہاشم خان کی نواسی ہیں ، امریکہ میں پیدا ہوئی تھیں ،وہی پرتربیت حاصل کی ہے۔ ماریہ خان نے امریکہ میں فٹ بال کلب میں بطور گو ل کیپر شمولیت اختیار کی تھی
2018 میں ماریہ خان پاکستان میں واپڈا کی ٹیم میں شامل ہوئیں اور 2020 میں قومی ویمنز فٹبال ٹیم کے 30 کھلاڑیوں میں جگہ ملی اور اسی سال قومی ٹیم کی کپتان بنائی گئیں۔