نواز شریف نے 32 رکنی پارلیمانی بورڈ تشکیل دیدیا

اسلام آباد ( اُمت نیوز) قائد مسلم لیگ ن میاں محمد نواز شریف نے پنجاب اور کےپی کے میں انتخابات کے سلسلہ میںپارلیمانی بورڈ تشکیل دے دیاہے۔
ذرائع کا کہنا ہے ن لیگ کا پارلیمانی بورڈ 32 ممبران پر مشتمل ہے، قائد مسلم لیگ ن نواز شریف پارلیمانی بورڈ کی قیادت کریں گے، وزیراعظم شہباز شریف بھی پارلیمانی بورڈ کا حصہ ہوں گے۔
بورڈ میں مریم نواز ، رانا ثناء اللہ ، جاوید لطیف ، احسن اقبال ، سعد رفیق ، ایاز صادق پارلیمانی بورڈ کا حصہ ہونگے۔
ذرائع کے مطابق کے پی کے سے پارلیمانی بورڈ میں امیر مقام، مرتضیٰ جاوید عباسی شامل ہوں گے، پارلیمانی بورڈ امیدواروں کا انتخاب اور پارٹی ٹکٹ تقسیم کرے گا۔