الیکشن کمیشن نے آنے والا الیکشن سوالیہ نشان بنا دیا۔ شیخ رشید

عوامی مسلم لیگ کے سربراہ سابق وفاقی وزیر شیخ رشید نے ٹوئٹر پیغام میں کہا ہے کہ عمران خان کا راستہ روکنے کیلئے جو کچھ کیا جارہا ہے یہ سب انکے گلے پڑے گا۔

ٹوئٹر پر ویڈیو پیغام میں عوامی مسلم لیگ کے سربراہ کا کہنا تھا کہ ملک اس وقت سیاسی عدم استحکام کی صورتحال سے دو چار ہے۔

pic.twitter.com/yWybz9JoUs

— Sheikh Rashid Ahmed (@ShkhRasheed) January 23, 2023

اور ایسے میں ناپسندیدہ آدمی کو 60 فیصد صوبے کا نگراں چیف منسٹر بنانا یہ اس بات کی دلیل ہے کہ آپ اس ملک کے عوام کی توہین کررہے ہیں۔

اس حوالے سے اپنے ایک بیان میں ان کا کہنا تھا کہ نگران وزیراعلیٰ کی تعیناتی کر کے الیکشن کمیشن نے نہ صرف اپنے تباہی کے تابوت میں آخری کیل ٹھونک دی بلکہ آنے والے الیکشن پر بھی سوالیہ نشان پیدا کردیا ہے۔

pic.twitter.com/2W5mlxpxkb

— Sheikh Rashid Ahmed (@ShkhRasheed) January 23, 2023

انہوں نے کہا ہے کہ یہ لوگ جمہوریت کا مذاق اڑا رہے ہیں، ذلت اور رسوائی آپ کا مقدر ہے۔

شیخ رشید کا کہنا تھا کہ عمران خان کا راستہ روکنے کیلئے یہ جو سب کر رہے ہیں یہ سب آپ کے گلے پڑے گا۔