مریم نواز کا شیڈول سے ایک دن قبل وطن واپسی کا فیصلہ

لاہور(امت نیوز)پاکستان مسلم لیگ نواز کی سینئر نائب صدر و و چیف آرگنائزر مریم نوازنےوطن واپسی کے شیڈل میں تبدیلی کردی ۔ اب وہ 29 جنوری کے بجائے 28 جنوری کو پاکستان پہنچیں گی۔

سابق وزیراعظم نواز شریف کی صاحبزادی کی وطن واپسی سے متعلق شیڈول میں رد و بدل سے متعلق وفاقی وزیر اطلاعات مریم اورنگزیب نے ٹوئٹ کے ذریعے آگاہ کیا۔

🚨پاکستان مسلم لیگ(ن) کی سینئر نائب صدر اور چیف آرگنائزر مریم نواز کی وطن واپسی کے وقت میں ردوبدل ہوا ہے۔ مریم نواز صاحبہ اب 28 جنوری، ہفتے کی سہہ پہر 3 بجکر 5 منٹ پر لاہور پہنچیں گی۔

— Marriyum Aurangzeb (@Marriyum_A) January 24, 2023

اپنے ٹوئٹ میں مریم اورنگزیب کا کہنا تھا کہ مریم نواز اب 28 جنوری، ہفتے کی سہ پہر 3 بجکر 5 منٹ پر لاہور پہنچیں گی۔

واضح رہے کہ مریم نواز 29 جنوری شام 4 بجے لندن سے لاہور پہنچنا تھا، ان کی وطن واپسی سے قبل ن لیگی رہنماوں کو بھرپور استقبال کے لیے ہدایات جاری کی گئی تھی۔

ذرائع کے مطابق ن لیگی قیادت کی جانب سے اراکین اسمبلی اور ٹکٹ ہولڈرز کو مریم نواز کے استقبال کیلئے ایک ایک ہزار کارکنان لانے کا ٹارگٹ دیا گیا تھا۔