پاکستان سپر لیگ سے قبل بابر اعظم کی بیٹنگ پریکٹس

لاہور(اُمت نیوز) پاکستان سپر لیگ ( پی ایس ایل) سے قبل بابر اعظم نے ٹریننگ سیشن میں بیٹنگ پریکٹس شروع کردی ہے۔

تفصیلات کے مطابق این ایچ پی سی میں قومی کرکٹ ٹیم کے کپتان بابر اعظم نے ٹریننگ کا آغاز کردیا ہے۔قومی ٹیم کےکپتان ٹریننگ سیشن میں تین گھنٹے تک بیٹنگ پریکٹس کرتے رہے

بابر اعظم نے این ایچ پی سی کے کوچز اور انفرادی ٹرینر کے ہمراہ پریکٹس کی ہے۔

واضح رہے کہ پی ایس ایل کا 8 واں ایڈیشن 13 فروری سے شروع ہو رہا ہے۔  بابر اعظم پاکستان سپر لیگ     کی فرنچائز پشاور زلمی کے کپتان ہیں۔