کراچی سمیت سندھ بھر میں اسکول 8:30 بجے کھولنےکا فیصلہ

کراچی(امت نیوز)کراچی سمیت سندھ بھر میں تمام سرکاری اورنجی اسکول صبح ساڑھے آٹھ بجے کھولے جائیں گے، یہ فیصلہ سردیوں کی شدت میں اضافے کے باعث کیا گیا ہے ۔

محکمہ تعلیم سندھ کے ماتحت ادارے ڈائریکٹویٹ انسپکشن اینڈ رجسٹریشن کے جاری کردہ اعلامیہ میں ڈائریکٹوریٹ انسپکشن اینڈ رحسٹریشن پرائیویٹ اسکول کی ایڈیشنل ڈائریکٹر رجسٹریشن رافیعہ جاوید نے حکم جاری کیا ہے کہ اسکول اسٹیئرنگ کمیٹی کے فیصلے کے تحت سردیوں کے باعث صبح ساڑھے 8 بجے کھولے جائیں۔
نوٹیفکیشن کے مطابق اسٹیئرنگ کمیٹی کے فیصلے کے مطابق حکومت سندھ نے 7 اپریل 2022 اس حوالے سے نوٹی فکیشن جاری کیا تھا۔ جس کے بعد اب صوبے میں شدید سردی کی لہر کی وجہ سے پرائیویٹ اسکولوں کو حکم دیا جاتا ہے کہ صبح 8:30 بجے سے اسکول کھولے جائیں۔

مذکورہ حکم نامہ وقت 31 مارچ 2023 تک نافذ العمل رہے گا۔