محکمہ موسمیات نے شدید سردی  کی پیش گوئی کر دی

اسلام آباد(اُمت نیوز)محکمہ موسمیات نے اسلام آبادسمیت ملک کے مختلف علاقوں میں شدید سردی کی پیش گوئی کی ہے۔
پیشگوئی کے مطابق ملک کے بالائی علاقوں، شمالی بلوچستان، کشمیر اور گلگت بلتستان میں شدید سردی پڑے گی۔
محکمہ موسمیات نے جمعہ کےدن کی پیش گوئی کرتے ہوئے کہا ہےکہ اسلام آباد اور کے پی کے میں موسم سرد اور خشک رہے گا۔
جبکہ ملک کے بالائی اضلاع میں کہر پڑنے کا امکان ہے۔
دوسری جانب بلوچستان کے بیشتر اضلاع میں موسم سرد اور خشک رہے گا، بلوچستان کے شمالی اضلاع میں شدید سرد رہے گا