کراچی: اسٹیل ٹاؤن،بلوچ کالونی میں ٹریفک حادثات میں 2 افراد جاں بحق

کراچی(اسٹاف رپورٹر)شہر قائد میں ٹریفک حادثات کے نتیجے میں 2 افراد جاں بحق ہوگئے،جبکہ ایک شخص کی لاش ملی۔تفصیلات کے مطابق اسٹیل ٹاؤن کے علاقے گلشن حدید قائد اعظم پارک کے قریب نامعلوم گاڑی کی ٹکر سے موٹرسائیکل سوار نواجون جاںبحق ہوگیا،جس کی لاش ایمبولنس کی مددسے جناح اسپتال منتقل کی گئی،جہاں متوفی کی شناخت 17 سالہ عبدالرحمٰن کے نام سے ہوئی جو قریبی علاقے کا رہائشی بتایا جاتا ہے،تاہم لاش کارروائی کے بعد ورثاءکے حوالے کردی گئی۔ ٹیپوسلطان کے علاقے بلوچ کالونی پل کے قریب تیز رفتارگاڑی کی ٹکر سے ایک راہگیر شدید زخمی ہوگیا،جسے طبی امداد کیلئے ایمبولنس کی مددسے جناح اسپتال منتقل کیا گیا جہاں وہ دوران علاج دم توڑ گیا،فوری طور پر متوفی کی شناخت نہیں ہوسکی اس کی عمر 42 برس کے قریب بتائی جاتی ہے،پولیس نے ضابطے کی کارروائی کے بعد لاش سردخانے منتقل کردی۔علاوہ ازیں فرئیر کے علاقے گذری پنجاب چورنگی نزد بچہ پارٹی کے قریب فٹ پاتھ سے 35 سالہ شخص کی لاش کی اطلاع پر پولیس اورریسکیو عملے نے پہنچ کرموقع معائنے کے بعدجناح اسپتال منتقل کیا بعدا زاں سردخانے منتقل کردی،پولیس کے مطابق فوری طور پر لاش کی شناخت اوروجہ موت کا تعین نہیں ہوسکا۔