زرداری پر قتل کا الزام،پی پی کا عمران خان کو لیگل نوٹس بھیجنے کا اعلان

ہفتہ 28 جنوری 2023, 5:40 شام اہم خبریں

اسلام آباد(اُمت نیوز)پی پی رہنمائوں قمر زمان کائرہ، نیربخاری اور فرحت اللہ بابر نے پریس کانفرنس کرتے ہوئے کہا ہے کہ آصف علی زرداری پر دہشت گرد تنظیموں کو پیسے دینے کے الزام پر پی پی نے عمران خان کو لیگل نوٹس بھیجنے کا اعلان کردیا ہے۔ آصف علی زرداری پر عمران خان کے الزام جھوٹے اور بے بنیاد ہے۔
اس موقع پر نیر بخاری کا کہنا تھا کہ عمران خان کے الزام لگانے کی روایت پرانی ہیں۔ان کے الزامات سے آج تک کوئی چیز ثابت نہیں ہو سکی ہے۔ڈپریشن اور بوکھلاہٹ کا شکار خان سیاسی طورپر مرچکے ہیں۔
انہوں نے کہا کہ عمران خان بوکھلاہٹ میں اداروں، الیکشن کمیشن، سابق آرمی چیف پر الزام لگاتا ہے، عمران خان کو لیگل نوٹس جاری کر رہے ہیں۔

@PPP_Org has sent legal notice to PTI leader @ImranKhanPTI on his blatant accusations that former President Asif Zardari has paid terrorists to assassinate him. "Imran Khan has lost his senses after losing power," says @FarhatullahB pic.twitter.com/iI2hOfgY3n

— Asma Shirazi (@asmashirazi) January 28, 2023

فرحت اللہ بابر کا کہنا ہے کہ عمران خان نے کہا کہ زرداری صاحب نے اسے قتل کرنے کیلئےدہشت گرد تنظیموں سے رابطہ کیا ہے، اقتدار سے محرومی سے ان کا ذہنی توازن خراب ہوگیا ہے۔
قمر زمان کائرہ نے کہا کہ جب عمران خان کی الزام تراشیوں کی مذمت کرتے ہیں، جب کئی اداروں کے سربراہان عمران خان کو سپورٹ کرتے تو وہ ایک پیج تھا۔
انہوں نے کہا کہ عمران خان ادارے نیوٹرل پر ان کیخلاف ان کے پیچھے پڑ گئے ہیں یہ ان کی فاشسٹ سیاست ہے، انہوں نے ایک باقاعدہ الزام لگایا کہ ہماری قیادت نے دہشت گرد تنظیموں کو پیسے دیے جس میں اداروں کے لوگ شامل ہیں، یہ انتہائی گھناؤنا الزام ہے۔