امپورٹڈ حکومت نے تنخواہ دار طبقے کو کچل دیا،عمران خان

لاہور: ڈالراور پیٹرولیم مصنوعات کی قیمت میں اضافہ پرردعمل کا اظہار پر کرتے ہوئے چیئرمین تحریک انصاف عمران خان  نے کہا ہے کہ امپورٹڈ حکومت نے تنخواہ دار طبقے کو کچل دیا۔

سماجی رابطے کی ویب سائٹ ٹوئٹر پرٹوئٹ کرتے ہوئے چیئرمین تحریک انصاف عمران خان نے کہاکہ ڈالر 262 روپے پر پہنچ گیا ہے،نااہل حکومت کی بدانتظامی سے پیٹرول اور ڈیزل کی قیمتوں میں اضافہ ہوا،امپورٹڈ حکومت نے تنخواہ دار طبقے کو کچل دیاہے ۔

عمران خان نے کہاکہ امپورٹڈ حکومت نے بجلی اور گیس کی قیمتوں میں 35 فیصد اضافہ کردیاہے،اب حکومت 200 ارب روپے کا منی بجٹ لا رہی ہے،منی بجٹ سے مہنگائی میں بے تحاشا اضافہ ہوگا۔

Total mismanagement of our economy by a corrupt & incompetent imported govt has crushed masses & salaried class with latest hike in petrol & diesel prices & Rs33/$ devaluation to Rs262.6/$. Elec & gas price hike & 35% unprecedented inflation expected with Rs200bn mini budget.

— Imran Khan (@ImranKhanPTI) January 29, 2023

چیئرمین تحریک انصاف نے کہاکہ کرپٹ اور نااہل حکومت کی بدانتظامی نے معیشت تباہ کر دی،200 ارب کے منی بجٹ سے مہنگائی کی شرح میں 35 فیصد اضافہ ہوگا، ان کاکہناتھا کہ گیس بجلی کی قیمتوں میں بھی اضافہ متوقع ہے ۔