بلوچستان میں بارش و برفباری، پارہ منفی 11 ڈگری تک گر گیا

کوئٹہ:بلوچستان کے مختلف علاقوں میں بارش اور برفباری کے باعث سردی کی شدت میں اضافہ ہوگیا جبکہ درجہ حرارت منفی 11 ڈگری سینٹی گریڈ تک گرگیا۔

بلوچستان اور خیبرپختونخوا کے بعض علاقوں میں بارش اور پہاڑوں پربرفباری کا سلسلہ  رات سے جاری ہے، اسلام آباد، کشمیر اورگلگت بلتستان میں مزید بارش کی پیشگوئی کی گئی ہے جبکہ بالائی علاقوں میں چندمقامات پرموسلادھاربارش اورژالہ باری کا امکان ہے۔

محکمہ موسمیات کے مطابق سب زیا دہ سردی قلات میں پڑی جہاں کم سے کم درجہ حرارت منفی 06 ڈگری سینٹی گریڈ ریکارڈ کیا گیا، کوئٹہ میں کم سے کم منفی 04، زیارت میں کم سے کم منفی 03 اور ژوب میں کم سے کم درجہ حرارت منفی 02 ڈگری سینٹی گریڈ ریکارڈ کیا گیا۔

بارکھان اور سبی میں کم سے کم 03، تربت میں کم سے کم 10جبکہ پنجگورمیں درجہ حرارت منفی صفرڈگری سینٹی ریکارڈ کیا گیا۔

اوڑمارہ میں05، گوادرمیں 10، جیونی میں11، پسنی میں09، دالبندین میں منفی01، نوکنڈی میں منفی 04، خضدارمیں صفر اور لسبیلہ میں درجہ حرارت 02 ڈگری سینٹی گریڈ ریکارڈ کیاگیا۔

ادھرچترال میں وادی کیلاش اور گردونواح میں شدید برفباری کا سلسلہ جاری ہے جبکہ اپرچترال کےبیشتر علاقوں میں بھی برفباری جاری ہے۔

کراچی میں بوندا باندی کا امکان

دوسری جانب محکمہ موسمیات کا کہنا ہے کہ شہرقائد کا موسم آج خشک اورسردرہےگا جبکہ شہر کا مطلع صاف اوردوپہر تک ابرآلودہونےکاامکان ہے۔

محکمہ موسمیات کے مطابق شہر کا موجودہ درجہ حرارت 23 ڈگری سینٹی گریڈ ریکارڈ کیا گیا، ہوامیں نمی کا تناسب 25 فیصد ہے،شمال مشرقی سمت سے5ناٹیکل مائل کی رفتارسےہوائیں چل رہی ہیں۔

محکمہ موسمیات کے مطابق کراچی میں بوندا باندی اور سردی کی شدت میں کمی ہوسکتی ہے۔

کراچی میں فضائی آلودگی بھی برقرارہے، کراچی آج پاکستان کے آلودہ شہروں میں پانچویں نمبرپر اور دنیا میں 11ویں نمبر آگیا۔