کراچی: 24 گھنٹوں کے دوران اسٹریٹ کرائمز کی 87 وارداتیں رپورٹ

کراچی(اسٹاف رپورٹر)وزیراعلیٰ سندھ سید مراد علی شاہ کو 24 گھنٹوں کے دوران کراچی میں جرائم سے متعلق آگاہی رپورٹ میں ایڈیشنل آئی جی کراچی نے بتایا کہ شہر بھر میں87اسٹریٹ کرائم کی وارداتیں رپورٹ ہوئیں، جس میں 10ڈکیتی، 4 کاریں چوری،13 موٹرسائیکل چھیننے، 60 موٹرسائیکل چوری ہونے کے واقعات شامل ہیں۔نارتھ ناظم آباد میں مزاحمت پر ایک شخص سلمان ولد رمضان زخمی ہوا۔ رپورٹ میں وزیراعلیٰ سندھ کو بتایا گیا کہ3 پولیس مقابلوں میں میں 5 اسٹریٹ کرمنل کو زخمی حالت میں گرفتار کیا گیا جبکہ 6 دیگرجرائم پیشہ افراد کو رنگے ہاتھ گرفتار کیاگیا۔ گزشتہ 24 گھنٹوں کے دوران 102 ملزمان کی گرفتاری عمل میں لائی گئی جن میں25اسٹریٹ کرمنلز ،ڈاکو،ایک قاتل، 18 غیر قانونی اسلحہ رکھنے پر،8 منشیات فروش اور سپلائر جبکہ دیگر جرائم میں ملوث50 افراد گرفتار کیے گئے۔ پولیس نے مختلف کارروائیوں کے دوران 24 غیر قانونی اسلحہ ،4 کلو گرام چرس، 11 چھنے گئے موبائل ،11 چوری شدہ گاڑیاں جن میں ایک کار اور10 موٹر سائیکل برآمد کیں۔