چیف الیکشن کمشنرسیکرٹری کو دو چھتر لگائیں، فواد کی روش برقرار

راولپنڈی(اُمت نیوز) اڈیالہ جیل سے رہا ہوتے ہی پاکستان تحریک انصاف کےرہنماء فواد چوہدری نے پھر الیکشن کمیشن کونشانے پر لے آئے۔
اڈیالہ جیل کے باہرکارکنوں سے خطاب میں فواد چوہدری کا کہنا تھا کہ عدالت میں بھی کہا ہےکہ میں اپنی باتوں سے جو میں نے کی ہیں ایک لفظ بھی پیچھے نہیں ہٹوں گاچاہے جو کچھ بھی ہو جائے
اس پر اسٹینڈ کرتا ہوں۔
پی ٹی آئی رہنماء کا کہنا تھا کہ الیکشن کمیشن نے جو ایف آئی آر کٹوائی ہے، جس پر غداری کا کیس بنایا گیا ہے، اس بارے  چیف الیکشن کمشنر کو کہتا ہوں کہ جس نے مشورہ دیا اور سیکرٹری الیکشن کمیشن کو کمرے میں بلائیں دروازے کی کنڈی لگائیں اور اس کو رکھ کے دو چھتر لگائیں۔

https://twitter.com/Othernewspk/status/1620812678292975617?s=20&t=hjh9NcEkXio91JwBU3jk0g

خیال رہے کہ آج فواد چوہدری کی مشروط ضمانت منظور کرتے ہوئے ایڈیشنل سیشن جج فیضان حیدر گیلانی نے ریمارکس دیے تھےکہ ضمانت اس شرط پرمنظور کر رہا ہوں کہ فواد چوہدری دوبارہ ایسا بیان نہیں دیں گے، ایسے بیانات پارلیمنٹیرینز کونہیں دینے چاہئیں۔