بلدیہ ، گڈاپ، جیکسن، سولجربازارمیں ٹریفک حادثات میں بچی سمیت 5 جاں بحق

کراچی (اسٹاف رپورٹر) بلدیہ ۔ گڈاپ، جیکسن میں ٹریفک حادثات میں کمسن بچی سمیت 5 افراد جاں بحق ہوگئے ۔ تفصیلات کے مطابق گڈاپ سٹی تھانے کی حدود سپر ہائی وے گڈاپ ٹاؤن فیسٹا واٹرپارک کے قریب ڈمپروٹرالہ میں تیزرفتاری کے باعث تصادم ہوگیا جس کے نتیجے میں دوافراد جاں بحق ہوگئے ۔ حادثے کے باعث شاہراہ پر ٹریفک کی روانی بری طرح متاثر ہوئی۔ جاں بحق ہونے والےافراد کی لاشیں اسپتال منتقل کی گئین جہاں انکی شناخت 18 سالہ ریاض ولد حسین اور16 سالہ علاؤالدین کےناموں سے ہوئیں۔ پولیس کے مطابق حادثہ تیزرفتاری کے باعث پیش آیا ۔ بلدیہ ٹاؤن بسم اللّٰہ چوک کے قریبتیزرفتارگاری کی ٹکرسے وہاں موجود تین سالہ صدف دختردخلیل شدید زخمی ہوگئی جسے سول اسپتال لے جایا گیا جہاں وہ زخموں کی تاب نہ لاتے ہوئے چل بسی۔ جیکسن تھانے کی حدود ایم ٹی خان روڑ شیل پیٹرول پمپ کے قریب ٹریفک حادثے میں ایک معمرشخص جاں بحق ہوگیا جس کی لاش کو سول اسپتال منتقل کیا گیا۔ متوفی کی عمر70 برس کے قریب ہے اورفوری طورپرمتوفی کی شناخت کا عمل ممکن نہیں ہوسکا۔ سولجر بازارتھانے کی حدود مین نمائش چورنگی کے قریب ٹریفک حادثے میں ایک شخص جاں بحق ہوگیا جس کی لاش کو سول اسپتال منتقل کیا گیا جہاں متوفی کی شناخت 38 سالہ جنید ولد فاروق احمد کے نام سےہوئی۔