ویمنز ٹی 20 ورلڈکپ ، دوسرے وارم اپ میچ پاکستان کوشکست

پرل( اُمت نیوز) ویمنز ٹی 20 ورلڈکپ کے وارم اپ میچ میں پاکستان کو جنوبی افریقہ کی ٹیم نے شکست دیدی ہے ۔
تفصیلات کے مطابق پاکستان نے پہلے کھیلتے ہوئے 20 اوورز میں 142رنز بنائے تھے اور ان کی پانچ وکٹیں گری تھیں۔پاکستان کی جانب سے عالیہ ریاض نے 48 اور عائشہ نسیم نے 21 رنز اسکور کیے۔
قومی ٹیم کی جانب سے عالیہ ریاض نے 2  کھلاڑیوں کو آئوٹ کیا ۔
جواب میں جنوبی افریقہ ٹیم نےمقررہ ہدف چار وکٹوں کے نقصان پر 18.2اوورز میں حاصل کرلیا ، جنوبی افریقہ ویمن کی لاورا ولوارڈت نے 65 رنز بنائے۔
واضح رہے کہ ایونٹ سے قبل پہلے وارم اپ میچ میں قومی ویمن ٹیم نے بنگلادیش ویمن ٹیم کو شکست دی تھی۔