وزیراعظم شہباز شریف ایک روزہ دورے پر کراچی پہنچ گئے

کراچی: وزیراعظم شہباز شریف ایک روزہ دورے پر کراچی پہنچ گئے، جہاں وہ امن مشقوں کی اختتامی تقریب میں شریک ہوں گے۔ وزیر اعظم اور کابینہ ارکان کو لانے والے خصوصی طیارے نے فیصل بیس پر لینڈ کیا۔

ذرائع کے مطابق وزیر اعظم دورہ کراچی میں پاکستان نیوی کے زیراہتمام جاری 8 ویں امن مشق کا جائزہ لیں گے اور تقریب سے خطاب کریں گے۔ ذرائع کا کہنا ہے کہ وزیراعظم شہبازشریف کی گورنر سندھ کامران خان ٹیسوری اور وزیراعلیٰ سندھ مراد علی شاہ سے ملاقات بھی متوقع ہے۔