جنوبی افریقا،مسافر بس اور بکتر بند گاڑی میں تصادم ، 20 ہلاک

جنوبی افریقہ( اُمت نیوز) جنوبی افریقا میں مسافر بس اور بکتر بند گاڑی میں تصادم کے نتیجے میں 20 افراد ہلاک ہوگئے ہیں۔

غیر ملکی میڈیا کے مطابق یہ واقعہ پیر کے روز صوبے لیمپوپو میں پیش آیا جہاں ایک تیز رفتار بکتر بند گاڑی بے قابو ہوکر مخالف سمت سے آنے والی مسافر بس سے جا ٹکرائی
لیمپوپو صوبے کے ٹرانسپورٹ ڈیپارٹمنٹ کی جانب سے مزید بتایا گیا ہے کہ تصادم کے نتیجے میں 20 افراد ہلاک ہوگئے جبکہ 60 افراد کے زخمی ہونے اطلاعات سامنے آئی ہیں۔
زخمیوں کو قریبی اسپتال منتقل کردیا گیا جہاں انہیں طبی امداد فراہم کی جارہی ہے۔
پولیس کی جانب سے حادثے کی مزید تحقیقات بھی کی جارہی ہیں۔