خانپور کے قریب تیز رفتار ٹریلر نے5 طلبا کو کچل دیا

رحیم یار خان:خانپور کے قریب تیز رفتار ٹریلر نے اسکول سے واپس گھر جاتے 5 طلبا کو کچل ڈالا،بچے زخموں کی تاب نہ لاتے ہوئے چل بسے۔ ڈرائیور موقع سے فرار ہو گیا۔

المناک حادثہ سردار گڑھ کے قریب پیش آیا جہاں 5 طلبا اسکول سے گھر واپس جاتے ہوئے تیز رفتار ٹریلر کی زد میں آ گئے،شدید زخمی بچوں نے تڑپ تڑپ کر جانیں دیدیں۔ بچوں کی عمریں 5 سے 8 سال کے درمیان بتائی گئی ہیں۔

ننھے طلبا کو خون میں لت پت دیکھ کر ہر آنکھ اشکبار ہو گئی، لاشیں اسپتال منتقل کر دی گئیں، پولیس نے تحقیقات کا آغاز کر دیا۔